Poli Loman: Shqipëria, vend fantastik për turizëm, mangësi në shërbim dhe infrastrukturë

Poli Loman, kryetarja e Shoqatës së Shqiptarëve në Holandë, tha për Euronews Albania se asnjë vend tjetër nuk mund të ofrojë një ndryshim të peizazhit si Shqipëria ku ka një ndërthurje të jashtëzakonshme të peizazheve detare dhe atyre malore.

Teksa sqaroi se turizmi veror ende nuk ka nisur në masë, tha se turizmi eksplorues është ai që zë vend, për të cilin Loman u shpreh se mund të përmirësohet shërbimi dhe infrastruktura.

“Më bie në sy abuzimi me çmimin,” – tha ajo ndërkohë që solli në vëmendje se nga turistët që kërkonin vetëm një krevat për të fjetur dhe pastërti, kemi kaluar në një lloj tjetër turisti që kërkon më shumë kushte, komoditet dhe është i gatshëm të paguajë më shumë.

Problemi sipas Poli Loman, qëndron në nivelimin e çmimeve në krahasim me vendet e tjera.

Ndërkaq sa i takon Hollandës, jemi ende në ngjyrë portokalli dhe të gjitha rezervimet deri tani janë në pritje, sepse siç sqaroi Loman, qeveria holandeze bën një punë kolosale sa i takon informimit të qytetarëve për situatën shëndetësore.

“Një gjë paradoksale është për shembull, ndërkohë që Shqipëria i pret njerëzit pa teste, për të ikur nga ky vend është vështirë,” – tha Loman.

LEXONI GJITHASHTU:

• Turizmi shpresa te vaksina, operatorët: Akoma pasiguri, shteti të na ndihmojë me bonuse
• Zak Topuzi: Shqipëria do mbështetet tek turizmi i Kosovës
• Turizmi në Shqipëri, Topuzi: Prenotimet kanë rënë, presim turizëm vendas dhe nga zonat shqipfolëse