Bie prodhimi energjisë në janar-prill, HEC-et në Drin siguruan 47% të sasisë

Rreth 2.9 mln megavat energji elektrike u prodhuan gjatë 4 – mujorit të parë të këtij viti nga të gjithë burimet gjeneruese në vend, duke shënuar rënie në raport me një vit më parë, kur u gjenerua 3.1 mln megavat.

Raporti i Enti Rregullator tregon nga Hidrocentralet e Drinit u prodhua 47% e sasisë, ndërsa HEC-et private dhe panelet diellore siguruan 53%.

Fotovolataikët janë ende në fazat e hershme të zhvillimit, por ritmi i rritjes së prodhimit nga to është i shpejtë, pasi këtë vit kanë furnizuar afro 7% të rrjetit, përmes prodhimit nga dielli.

Ndërkaq, konsumi total i energjisë për 4-mujorin arriti në rreth 2.9 mln mËh energji, duke pësuar një rritje të lehtë në raport me periudhën janar- prill të vitit të kaluar.

Edhe niveli i humbjeve në rrjetin e shpërndarjes për 4-mujorin u regjistrua në 17%, duke shënuar një përmirësim në raport me të njëjtën periudhë të vitit të kaluar, ku humbjet përllogariteshin në 18.5%.

Sa i takon arkëtimeve për periudhën janar-prill, ato arritën nivelin 96% të faturave të gjeneruara nga Operatori i Shpërndarjes së Energjisë Elektrike.

LEXONI GJITHASHTU:

• Projektet për energjinë, 4 bashki vetëm me panele diellore
• Balluku: 2000 familje do të subvencionohen për panelet diellore, ku të aplikojnë