Projektet për energjinë, 4 bashki vetëm me panele diellore

Bashkimi Europian do të investojë 79 milionë euro në Shqipëri për nxitjen e energjisë së rinovuershme, si pjesë e planit për integrimit.

Objektivi i parë i këtij financimi është rritja e eficensës së energjisë, ku një projekt pilot parashikon një rrjet të ri energjetik në ndërtesat publike të 4 bashkive në vend, Shkodër, Berat, Përmet dhe Korçë për të ulur emetimet e gazrave serë.

Programi parashikon instalimin e paneleve diellore, ku 8000 familje do të përzgjidhen me skema grantesh.

Objektivi i dytë lidhet me ngritjen e 130 stacioneve të karikimit për automjetet elektrike, përmes të cilave synohet ulja e emetimeve të karbonit.

Ndërkohë, një pjesë e fondit do të përdoret edhe për të ulur kostot që kanë ujësjellësit nga përdorimi i energjisë elektrike. Ky program do të aplikohet fillimisht në 7 ndërmarrje të Ujësjellës-Kanalizimeve.

Marrëveshja është aprovuar edhe në komisionet e Kuvendit, të cilat kanë diskutuar edhe bashkëfinancimin nga ana e qeverisë shqiptare, me një fond të përgjithshëm që mund të arrijë në 130 mln euro.

Ky fond parashikohet të përdoret deri në vitin 2027.

LEXONI GJITHASHTU:

• 2000 familje do përfitojnë panele diellore, qeveria rihap aplikimet në 24 shkurt
• Balluku: 2000 familje do të subvencionohen për panelet diellore, ku të aplikojnë