Sherr i dhunshëm gjatë natës te Ali Demi, policia: Një i plagosur, 4 janë në kërkim

Disa persona janë konfliktuar  mbrëmjen e djeshme në “Ali Dem”. Gjatë përleshjes sipas informacioneve është qëlluar në ajër me armë zjarri ndërsa në vendin e ngjarjes janë gjetur dy gëzhoja.

Policia ka reaguar me një njoftim zyrtar, duke shpallur në kërkim katër persona të dyshuar për përfshirje në përplasjen fizike, e cila çoi në plagosjen e një 26-vjeçari.

Njoftimi i policisë:

Specialistët për Hetimin e Krimeve të Komisariatit të Policisë Nr. 1 shpallën në kërkim shtetasit F. D., 36 vjeç, D. Zh., 25 vjeç, M. D., 27 vjeç dhe F. S., 27 vjeç, pasi mbrëmë, rreth orës 23:00, në rrugën “Ali Demi”, dyshohet se janë konfliktuar fizikisht dhe me sende të forta, me njëri-tjetrin. Si pasojë është dëmtuar shtetasi G. K., 26 vjeç (i dyshuar i përfshirë në konflikt), i cili mori ndihmën mjekësore dhe është jashtë rrezikut për jetën. Me 26-vjeçarin do të kryhen veprime procedurale në vijim, pasi ka deklaruar të dhëna kontradiktore për ngjarjen. Nga veprimet e para hetimore dyshohet se gjatë konfiktit është qëlluar me armë zjarri në ajër. Gjatë kryerjes së vendit të ngjarjes janë gjetur dhe sekuestruar 1 shkop bejsbolli, 2 gëzhoja, 1 automjet dhe 3 celularë. Vijon puna për kapjen e shtetasve në kërkim dhe për dokumentimin e plotë të rrethanave të ngjarjes.

Materialet procedurale iu referuan Prokurorisë së Tiranës, për veprime të mëtejshme.

LEXONI GJITHASHTU:

• FOTO| Zbulohet arma stilolaps me të cilën u plagos 15-vjeçari në Ali Dem
• Emrat/ Policia njoftim zyrtar për ngjarjen te Ali Demi, në kërkim babë e bir