Shiste doza kanabisi në qytetin e Vlorës, arrestohet 21-vjeçari

Policia e Vlorës ka arrestuar një 21-vjeçar që shpërndante doza kanabis në qytetin e Vlorës.

Në lagjen “28 Nëntori”, Vlorë, u kap në flagrancë shtetasi R. K., 21 vjeç, banues në lagjen “Kushtrimi”, i cili dyshohet se e ndante lëndën narkotike në doza dhe e shiste atë në zona të ndryshme të qytetit.

Gjatë kontrollit fizik, këtij shtetasi iu gjetën dhe sekuestruan në cilësinë e provës materiale 60 doza lënde narkotike të llojit kanabis sativa.

Në përfundim të veprimeve procedurale, nga specialistët për Hetimin e Narkotikëve të DVP Vlorë, u bë arrestimi i këtij shtetasi, për veprën penale “Prodhimi dhe shitja e narkotikëve”.

LEXONI GJITHASHTU:

• Shiste kanabis me doza në Bilisht, arrestohet 28-vjeçari
• Operacion i gjerë anti-kanabis në Shkodër, asgjësohen mbi 19 mijë bimë narkotike