Arsenali i Iranit/ Eno Luarasi zbulon specifikat e raketës Sej Jil-2 kundër Izraelit

Eno Luarasi, ka dhënë detaje të reja mbi raketën balistike Sej Jil 2, që Irani përdori në sulmet e fundit ndaj Izraelit, duke përfshirë edhe një incident ku një spital në Izrael u dëmtua dhe shumë njerëz u plagosën.

Luarasi ka shpjeguar se Sej Jil 2 është një raketë balistike me rreze të mesme veprimi, por ajo që e bën këtë raketë të veçantë është përdorimi i submunicioneve. Luarasi shton se  ushtria izraelite ka vlerësuar se raketat e tilla janë shumë të vështira për t’u interceptuar për shkak të veçorive të tyre teknike.

“Pak ditë më parë gjatë një sulmi iranian ku u dëmtua dhe një spital në Izrael me shumë të plagosur, për hetë të parë Irani përdori një nga raketat e tij balistike më moderne dhe bëhet fjalë për raketën Sej Jil 2.

Është një raketë balistike me rreze të mesme veprimi, por e veçanta e kësaj, është se ka submunicione. Që do të thotë, testata brenda raketës ka rreth 20 submunicione dhe sipas ushtrisë izraelite ajo ishte e pajisur me me rreth 20 të tilla, secila me një peshë prej 2.5 kg. Shpërthimi i saj ndodhi në një lartësi prej 7 km, çfarë e bën shumë të vështirë për sistemet anti-ajrore izraelite për të interceptuar këto lloj raketash. Ajo u hap në një distancë prej 8 km katror, të gjitha predhat, duke shkaktuar dëme.

Luarasi gjithashtu theksoi se raketat Sej Jil 2 arrijnë shpejtësinë maksimale në fazën terminale të fluturimit, duke i bërë ato të rrezikshme dhe të vështira për t’u shmangur nga sistemet e mbrojtjes ajrore.

“Ushtria izraelite thotë që këto lloj modele raketash me submunicione, janë shumë të vështira për t’u rrëzuar. E veçanta është se në fazën terminale të tyre, arrijnë dhe shpejtësinë maksimale, deri në 15 mijë km/në orë”, shpjegoi Luarasi.

LEXONI GJITHASHTU:

• A kërcënohet Shqipëria nga lufta Iran-Izrael? Meçollari: Ja çfarë e rrezikon rajonin
• “S’do heqim dorë”, Presidenti iranian i paralajmëron përgjigje shkatërruese Izraelit