Rritet ekonomia në tremujorin e parë të vitit, ndikimi nga administrata dhe tregtia

Ekonomia e vendit është zgjeruar me 3,4% këtë vit. Kontributin më të madh në rritjen e Prodhimit të Brendshëm Bruto e ka dhënë administrata publike dhe tregtia.

Ekonomia e vendit u rrit me 3,4% në 3-mujorin e parë të vitit. Kjo rritje vlerësohet në ngadalësim, krahasuar me fundin e vitit të kaluar.

Kontributin më të madh në rritjen e Prodhimit të Brendshëm Bruto e ka dhënë administrata publike dhe tregtia e pas tyre turzimi dhe shërbimi ushqimor.

Të dhënat e nxjerra nga INSTAT, tregojnë se ekonomia ka vijuar trendin pozitiv edhe në vitin 2024 duke shënuar një rritje reale 4.05%.

Prodhimi i Brendshëm Bruto me çmime korrente për vitin 2024 është vlerësuar në rreth 2.5 trilionë lekë ose 2.5 miliardë euro, ndërsa për vitin 2023 në 2.36 trilionë lekë, duke reflektuar zgjerimin e vazhdueshëm të aktivitetit ekonomik në terma nominalë.

Struktura e ekonomisë shqiptare vijon të dominohet nga sektori i shërbimeve që për vitin 2024 zë 49% të PBB-së dhe ka shënuar një rritje reale 6.5 për qind, si nxitësi kryesor i rritjes së përgjithshme pasuar nga ndërtimi që përbën 12% të ekonomisë dhe është zgjeruar me 4.5%.

Sipas shifrave të publikuara nga Insituti i Statistikave,  kontributin kryesor në këtë rritje e ka patur “Administrata Publike, Arsimi dhe Shëndetësia”, si edhe aktiviteti i pasurive të paluajtshme. Ndërkohë rezultojnë me rënie, industria, energjia dhe uji, si edhe bujqësia.

LEXONI GJITHASHTU:

• Eurostat: Ekonomia shqiptare po rritet me ritme të qëndrueshme, por jo mirëqenia
• 13 milionë të papunë në BE, Eurostat: Rënie me 0.1% në gusht, trendi i qëndrueshëm