Aksion anti-kanabis në Shkodër, asgjësohen mbi 3100 bimë narkotike

Policia ka goditur një rrjet të kultivimit të bimëve narkotike në qarkun e Shkodrës, ku në pranga ligjore kanë përfunduar edhe 3 zyrtarë lokalë.

Në total, gjatë kontrolleve intensive të Policisë, janë gjetur dhe asgjësuar 3.126 bimë të dyshuara Cannabis Sativa në disa zona të qarkut. Për neglizhencë dhe dyshime për mbështetje indirekte të kultivuesve, janë proceduar penalisht dy kryetarë fshatrash dhe një roje mjedisi.

Në njësitë administrative Shalë, Pult, Shosh dhe Ana e Malit, efektivët sekuestruan dhe shkatërruan 922 bimë narkotike, ndërsa nën hetim për “shpërdorim detyre” u vendos kryetari i fshatit Oblikë, shtetasi S.P.

Në Malësi të Madhe, në zonat e Kastratit dhe Kelmendit, policia zbuloi 1.034 bimë kanabis. Për këtë rast u procedua penalisht kryetari i fshatit Selcë, A.D., si dhe roja i mjedisit, P.G.

Ndërkohë, në territorin e njësive Temal dhe Shllak, në bashkinë Vau i Dejës, u zbulua dhe asgjësua një tjetër parcelë me 1.170 bimë narkotike.

LEXONI GJITHASHTU:

• Arrestohen ekzekutorët e Renis Dobrës, njëri dëshmitar në vrasjen Azem Hajdarit
• Mister pranë liqenit të Shkopetit/ 23-vjeçari gjendet i vdekur, makina brenda ujit