Arrestohet 28-vjeçari në Vaun e Dejës, policia e kap në flagrancë me pistoletë

Një 28-vjeçar është arrestuar në flagrancë nga Policia në fshatin Nënshat të Vaut të Dejës, pasi u kap duke lëvizur i armatosur me një pistoletë dhe municion luftarak.

Operacioni policor, i koduar “Brezi”, kishte si objektiv “identifikimin dhe ndalimin e shtetasve që lëvizin të armatosur, duke rrezikuar sigurinë publike dhe jetën e qytetarëve”, njoftoi Policia.

I arrestuari është shtetasi E. P., banues në Nënshat, i cili sipas uniformave blu “u kap në flagrancë nga shërbimet e Policisë, në fshatin Nënshat, duke lëvizur me armë zjarri pistoletë me municion luftarak, që i posedonte pa leje”.

Në cilësinë e provës materiale u sekuestrua arma e zjarrit. Materialet procedurale iu referuan Prokurorisë së Shkodrës për veprime të mëtejshme.

Njoftimet e policisë: 

Finalizohet operacioni policor i koduar “Brezi”.

Kapet në flagrancë me armë zjarri pistoletë, në fshatin Nënshat, vihet në pranga 28-vjeçari.

Sekuestrohet arma e zjarrit me municion luftarak.

Në vijim të aksioneve policore me objektiv identifikimim dhe ndalimin e shtetasve që lëvizin të armatosur, duke rrezikuar sigurinë publike dhe jetën e qytetarëve, shërbimet e Komisariatit të Policisë Vau i Dejës, në kuadër të operacionit “Brezi”, goditën një rast të armëmbajtjes pa leje.

Për këtë rast u vu në pranga shtetasi E. P., 28 vjeç, banues në fshatin Nënshat.

Ky shtetas u kap në flagrancë nga shërbimet e Policisë, në fshatin Nënshat, duke lëvizur me armë zjarri pistoletë me municion luftarak, që i posedonte pa leje.

Materialet procedurale iu referuan Prokurorisë së Shkodrës, për veprime të metejshme.

LEXONI GJITHASHTU: 

• Tiranë/ Shpërthim pranë një lokali në “Rrugën e Durrësit”, policia nis hetimet

• Digjen dy automjete në Korçë, rrethanat mbeten ende të paqarta