Vijon zjarri në Malin e Dukatit, 3 zjarrfikës dërgohen në spital pas asfiksimit

Për tre ditë rresht, një zjarr i fuqishëm ka përfshirë malin e Dukatit në Vlorë, duke shkaktuar shkrirje të masive të pyjeve dhe duke vënë në rrezik zonat përreth. Megjithëse janë bërë përpjekje të mëdha për shuarjen e flakëve, duke përfshirë ndërhyrjen ajrore me helikopter gjatë ditës së djeshme, zjarri ende vazhdon të jetë jashtë kontrollit.

Njësitë zjarrfikëse dhe trupat e ushtrisë janë ende në terren, duke luftuar me kushte jashtëzakonisht të vështira. Terreni i thyer dhe erërat e forta po favorizojnë përhapjen e flakëve.

Ndërkohë, tre zjarrfikës janë asfiksuar nga tymi dhe janë transportuar menjëherë në spital për trajtim mjekësor. Sipas burimeve zyrtare, gjendja e tyre raportohet të jetë e stabilizuar.

Autoritetet po ndjekin me kujdes situatën dhe po vazhdojnë përpjekjet për të vënë nën kontroll zjarrin që ka shkaktuar një alarm të madh në këtë zonë të Vlorës.

LEXONI GJITHASHTU:

• Kosova i konsideron kërcënuese deklaratat e Vuçiç pas arrestimit të zyrtarit serb
• Vapa shton pickimet nga gjarpëri, toksikologia tregon se si duhet të veprojmë