Zjarret në fshatrat e Delvinës nën kontroll, problem mbetet aksi rrugor në Kardhiq

Zjarri që përfshiu fshatrat Kalasë, Tatzat dhe Senicë në Njësinë Administrative Vergo, Bashkia Delvinë, është vënë pjesërisht nën kontroll, duke shmangur rrezikun për banesat.

Sipas njoftimeve zyrtare, vatra të shkëputura vijojnë të jenë aktive përreth fshatrave, ndërsa një vatër më e madhe është duke u përhapur drejt majës së malit në të majtë të rrugës Delvinë–Kardhiq.

Dy helikopterët Cougar, të angazhuar në operacionin ajror për shuarjen e flakëve, janë tërhequr pas realizimit të hedhjes së dytë me ujë në zonat më problematike.

Operacioni për shuarjen e plotë të zjarrit vijon ende me forcat në terren, ndërkohë që tymi i dendur ka krijuar vështirësi në qarkullim në aksin rrugor Delvinë–Kardhiq.

LEXONI GJITHASHTU:

• Përkeqësohet situata e zjarreve në Dishnicë, flakët shtrihen drejt malit të Moravës
• Kosovë, Kushtetuesja vendos masë të përkohshme për seancën konstituive