Asgjë e re nga Kosova, mesnata shpresa e fundit për konstituimin e Kuvendit

Deputetët e zgjedhur në Kosovë kanë dështuar për herë të 53-të të arrijnë konstituimin e Kuvendit, duke e lënë vendin në një situatë të pazakontë institucionale.

Sipas afatit të vendosur nga Gjykata Kushtetuese, sot shënohet dita e fundit për funksionalizimin e organit më të lartë legjislativ të vendit.

Deputetët kanë afat deri në orën 00:00 për të përmbushur këtë detyrim kushtetues.

Ngërçi institucional vazhdon të thellohet, ndërsa qytetarët dhe faktori ndërkombëtar presin me shqetësim zhvillimet e mëtejshme.