Shpërthen bombula e gazit në Vlorë, banesa shkrumbohet plotësisht

Një shpërthim i fuqishëm ka ndodhur pasditen e kësaj të hëne në brendësi të zonës së Çoles, pjesë e lagjes “24 Maji” në Vlorë.

Një bombul gazi ka shpërthyer në një banesë, në një prej pallateve katërkatëshe të zonës, duke shkaktuar dëme të mëdha materiale. Shpërthimi ka shkrumbuar totalisht banesën, duke lënë pas vetëm shkatërrim të plotë, ndërsa fatmirësisht nuk raportohet për viktima apo të lënduar.

Personat që ndodheshin në banesë kanë mundur të dalin menjëherë dhe të largohen nga godina, pa pësuar ndonjë dëmtim. Në vendngjarje ka ndërhyrë menjëherë zjarrfikësja e Vlorës, e cila ka bërë të mundur shuarjen e flakëve dhe ka parandaluar përhapjen e tyre në banesat përreth.

LEXONI GJITHASHTU:

• Metës i komunikohet mbyllja e hetimeve, avokati: Do të shkojmë në gjykim normal
• Tragjedi në koncertin e “Oasis”, 40-vjeçari bie nga stadiumi Wembley dhe humb jetën