I arrestuan vëllain polic, efektivi nga Tirana tenton të fshehë provat

Gjykata e Elbasanit ka vendosur masën e detyrimit paraqitje për një efektiv policie nga Tirana, i cili tentoi të fshihte provat në lidhje me arrestimin e vëllait të tij, gjithashtu polic, i kapur për fajde dhe kanosje.

Sipas njoftimi të AMP, efektivi së bashku me një person tjetër tentuan të fshehin prova materiale, me qëllim lehtësimin e pozicionit të të arrestuarit.

Njoftimi i AMP

“Agjencia e Mbikëqyrjes Policore (Rajoni Elbasan – Korçë) ka ekzekutuar vendimin e Gjykatës së Shkallës së Parë të Juridiksionit të Përgjithshëm Elbasan e cila ka caktuar masat e sigurimit personal me karakter ndalues “Ndalim i daljes jashtë shtetit” dhe “Detyrim për t’u paraqitur në Policinë Gjyqësore” ndaj një punonjësi policie dhe një shtetasi të dyshuar për kryerjen e veprës penale “Veprime që pengojnë zbulimin e së vërtetës”.

– Inspektor E. P., me detyrë Trupë Shërbimi / Oficer i Patrullës së Përgjithshme në Komisariatin e Policisë Nr. 4 Tiranë.

– Shtetasi E. D., banues në Tiranë

Në vijimësi të hetimeve të thëlluara në kuadër të operacionit “Last rent”, ka dyshime se punonjësi i policisë në bashkëpunim me shtetasin e sipërpërmendur, kanë tentuar të fshehin prova materiale lidhur me ndalimin me datë 05.07.2025 të punonjësit të policisë E. P., (vëllai i punonjësit E. P.) i dyshuar për veprën penale “Shtrëngim me anë të kanosjes ose dhunës për dhënien e pasurisë”, thuhet në njoftim.

LEXONI GJITHASHTU:

• Jepte lekë me fajde dhe kanoste qytetarë, arrestohet polici në Elbasan