Shkaktuan zjarr nga djegia e mbeturinave, arrestohen autorët në Kavajë

Shërbimet e Komisariatit të Policisë Kavajë kanë arrestuar tre shtetas të dyshuar si autorë të zjarreve që përfshinë sipërfaqe të mëdha toke me pemë frutore, në fshatrat Peqinaj, Kavajë dhe Zhabjak, Rrogozhinë.

Pas marrjes së njoftimit për zjarret që shpërthyen mbrëmjen e djeshme, forcat e policisë u dërguan menjëherë në vendngjarje. Falë hetimeve, u arrit të identifikoheshin dhe arrestoheshin shtetasit F. P., banues në Peqinaj, R. M., banues në Zhabjak dhe J. M., gjithashtu banues në Zhabjak.

Hetimet treguan se zjarri ishte shkaktuar nga djegia e mbeturinave në tokat e tyre, ku flakët kanë dalë jashtë kontrollit, duke përfshirë një sipërfaqe të madhe me pemë frutore dhe shkaktuar dëme të mëdha, përfshirë djegien e një banese të pabanuar.

Materialet procedurale iu kaluan Prokurorisë së Juridiksionit të Përgjithshëm Durrës, për veprime të mëtejshme.

Policia e Shtetit apelon për kujdesin e qytetarëve dhe banorëve të zonave rurale, duke theksuar se nuk duhet të ndezin zjarre për djegien e mbeturinave ose mbetjeve bujqësore dhe të shmangin hedhjen e cigareve të ndezura pranë pyjeve, për të parandaluar çdo rrezik për jetën dhe pronën.

LEXONI GJITHASHTU:

• VIDEO/ Digjet automjeti i parkuar në Korçë, dyshohet zjarrvënie e qëllimshme
• I arrestuan vëllain polic, efektivi nga Tirana tenton të fshehë provat