Fotot e projektit, si do të jetë Akademia e Forcave të Armatosura të Shqipërisë

Kryeministri Edi Rama ka publikuar këtë të hënë foto të projektit për Akademinë e Forcave të Armatosura të Shqipërisë.

Ai thotë se ky projekt vjen në kuadër të modernizimit të infrastrukturës ushtarake nëpërmjet investimeve të Qeverisë Shqiptare, duke prekur çdo qelizë të Forcave të Armatosura, bazuar në standardet më moderne të Aleancës.

Sipas tij, ky projekt është shumëfunksional, i konceptuar nga kompania me famë botërore “Bofill Taller de Arquitectura”, që reflekton një frymë të re arkitekturore, ku shkrihen mes tyre zonat akademike, stërvitore, sportive, logjistike dhe komanduese, për ta zhvendosur kampusin akademik drejt konceptit bashkëkohor të NATO-s.

Rama thotë se, po ashtu, investimi në kapitalin njerëzor mbetet në fokusin e qeverisë dhe kjo reflektohet sipas tij në rritjen e ndjeshme të numrit të aplikimeve për sezonin e ri, me 1634 të rinj të interesuar për programet Bachelor.

Postimi i plotë i Ramës

“Modernizimi i infrastrukturës ushtarake nëpërmjet investimeve të Qeverisë Shqiptare po prek çdo qelizë të Forcave të Armatosura, bazuar në standardet më moderne të Aleancës.
Ky është projekti shumëfunksional i Akademisë së Forcave të Armatosura, i konceptuar nga kompania me famë botërore “Bofill Taller de Arquitectura”, që reflekton një frymë të re arkitekturore, ku shkrihen mes tyre zonat akademike, stërvitore, sportive, logjistike dhe komanduese, për ta zhvendosur kampusin akademik drejt konceptit bashkëkohor të NATO-s. Investimi në kapitalin njerëzor mbetet në fokusin tonë dhe kjo reflektohet në rritjen e ndjeshme të numrit të aplikimeve për sezonin e ri, me 1634 të rinj të interesuar për programet Bachelor”, shkruan Rama.

LEXONI GJITHASHTU:

• Rama publikon pamjet: Droni Bajraktar kap momentin kur ndizet një zjarr i qëllimshëm