Rama për zjarrvënësit: Ligji është aty, kurse gjykatësit nuk janë në detyrë

Kryeministri Edi Rama këtë të enjte komentoi dënimet për personat që ndezin zjarre qëllimisht, duke theksuar se ligji aktual është i ashpër ndaj këtyre rasteve.

Rama shtoi se jo të gjithë gjykatësit janë në krye të detyrës, duke theksuar se do të vijojë të merret me këtë çështje.

“Ligji është i fortë që tani për ata që vënë zjarret. Gjykatësit dihet që nuk janë të gjithë në krye të detyrës, por do të shohim në këtë drejtim se çfarë do të bëjmë. Një gjë është pak, por e sigurtë,” tha Rama, duke cituar edhe shprehjen e Gegë Gegës: “Qentë le të lehin, karvani të shkojë përpara.”-tha Rama.

Ditët e fundit situata e zjarreve në Shqipëri ka qenë kritike në disa zona të vendit, veçanërisht në Delvinë dhe Gramsh.

LEXONI GJITHASHTU: 

• “Nuk kam avion privat”, Rama: Çdo udhëtim familjar e bëj me linjë ndërkombëtare
• Rama: Banesat e djegura do të bëhen të reja, humbjet e bagëtive do të dëmshpërblehen