Juventus tenton “dopietën”, vijojnë bisedimet me Zhegrovën e Kolo Muani
Juventus vijon përforcimet në ditët e fundit të merkatos verore, ndërsa drejtuesit e kësaj skuadre besojnë se do të arrihet edhe një goditje e dyfishtë. I pari është një njohje e vjetër tashmë, pasi sezonin e shkuar qëndroi në formë huazimi në Torino, bëhet fjalë për Kolo Muani. I dyti është sulmuesi shqiptar Edon Zhegrova, i cili mban veshur fanellën e përfaqësueses së Kosovës.
Francezi ia ka bërë të qartë drejtuesve të PSG-së se dëshiron vetëm Juventusin, skuadrën me të cilën është dakordësuar për të gjitha kushtet. Për ta arritur këtë gjë, vetë bardhezinjtë shpresojnë në shitjen e Vlahovic, Savic dhe Gonzalez dhe me paratë e grumbulluara do të finalizojnë transferimin e Kolo Muani. PSG, në anën tjetër, nuk pritet të bëhet pengesë, pasi trajneri Luis Enrique nuk ka shprehur ndonjë simpati për lojtarin.
Sa i përket Zhegrovës, vetëm pak orë më parë mori edhe pasaportën shqiptare, ndërsa objektivi i tij i radhës mbetet kalimi në Torino. Anësori aktualisht është pjesë e Lilës, por ka njoftuar drejtuesit se është në kërkim të një aventure të re dhe Juventus do të ishte idealja për të. Sipas Transfermarkt, sulmuesi vlen 25 milionë euro, por me negociatat mes dy skuadrave mund të ketë edhe ndryshime të saj.
LEXONI GJITHASHTU:
Presidenti Begaj reagon për vrasjen e efektivit në Korçë: Policia nuk do të zbrapset
Policia del me njoftim zyrtar: Si u vra efektivi dhe u plagos kolegu i tij, detajet nga operacioni
Vrasja e policit në Korçë, kush është autori dhe si hapi zjarr ndaj efektivëve pasi i pikasi
- 13:47 Vrasja e policit gjatë operacionit në Maliq, Lamallari nga Trauma: Hetim i thelluar mbi përgjegjësitë
- 13:36 Prishtina solidarizohet me Tiranën, protestë kundër investimit në Zvërnec
- 13:34 Samiti BE-Ballkani Perëndimor më 5 qershor, zbardhen pikat kryesore të agjendës
- 13:30 Plumba mbi policinë, vritet efektivi në krye të detyrës, plagoset kolegu i tij
- 13:28 Bordi i Transparencës publikon çmimet e reja të karburanteve, sa do shitet nafta dhe benzina
- 13:22 Presidenti finlandez propozon një BE me 40 anëtarë, përfshirë Kanadanë