Rama thirrje trupës diplomatike: Të fokusoheni në objektivin e integrimit në BE

Kryeministri Edi Rama ka dhënë një deklaratë të hënën e 8 shtatorit nga ku po mbahet Konferenca 3-ditore e Ambasadorëve Shqiptarë nëpër botë. Rama ka folur gjerësisht për rolin e diplomacisë dhe sukseset e arritura në arenën ndërkombëtare.

Gjatë fjalës së tij, Rama tha se të gjitha trupat diplomatike të Shqipërisë, kudo që ndodhen në botë, duhet të fokusohen në një objektiv të vetëm historik: Integrimin e Shqipërisë në BE.

“Konferenca tradicionale e ambasadorëve këtë vit vjen në një moment historik për rrugëtimin e Shqipërisë drejt majës së shumë ëndërruar të BE-së dhe, pa asnjë diskutim, të gjitha forcat e shërbimit tonë diplomatik, kudo, nga Brukseli e në çdo kryeqytet tjetër, duhet të fokusohen në radhë të parë te ky objektiv historik që tanimë është më afër se asnjëherë tjetër dhe duhet përmbushur me sukses procesi i negociatave për anëtarësim me ratifikimin me sukses të vendimit të anëtarësimit nga 27 parlamentet e vendeve anëtare të BE-së.

Sa i takon negociatave, ato zhvillohen në bazë dypalëshe mes Shqipërisë dhe Komisionit Evropian, por e gjithë atmosfera rreth tyre ka një rëndësi të vetën dhe është e ndikueshme, siç e keni parë edhe në të shkuarën, nga faktorë të ndryshëm.

Prandaj është me rëndësi puna e përditshme diplomatike dhe fokusi i përditshëm, ku nevoja për ta ushqyer me energji pozitive nga Shqipëria, e politikëbërësit dhe opinionit publik”, tha Rama.

LEXONI GJITHASHTU:

• Rëndohet bilanci atentatit/ 2 viktima në Shkodër, vdes truproja i Erogen Brajoviçit
• FOTO/ U vu në pranga nga policia, kush është autori i dyshuar i atentatit në Shkodër