Operacioni “Together”, kapet 25-vjeçari me mina të programuar për shpërthim

Policia ka finalizuar me sukses operacionin e koduar “Together”, duke arrestuar një 25-vjeçar me rrezikshmëri të lartë shoqërore, i cili dyshohet se posedonte në bashkëpunim me vëllanë e tij dy mina me telekomandë, të programuar për shpërthim në distancë dhe të destinuara për ngjarje të rënda kriminale.

Gjatë operacionit u arrestua edhe një 28-vjeçar, i cili dyshohet se ndihmonte 25-vjeçarin për t’u fshehur. Nga aksioni u sekuestruan një automjet dhe tre telefona celularë.

Shërbimet e Sektorit për Hetimin e Krimeve të Rënda, në bashkëpunim me Komisariatin e Policisë Nr. 3, organizuan dhe përfunduan operacionin në zonën e Selitës.

25-vjeçari, me inicialet J.Sh., banues në Shkodër, ishte shpallur në kërkim në kuadër të operacionit të mëparshëm “Brothers” dhe ishte i dyshuar për “Mbajtje pa leje dhe prodhim armësh, armësh shpërthyese dhe municionesh”. Ndërkohë, 28-vjeçari G.H., gjithashtu nga Shkodra, u ndalua për ndihmën e dhënë në fshehjen e J.Sh.

Materialet i janë referuar Prokurorisë së Tiranës për veprime të mëtejshme.

LEXONI GJITHASHTU:

• Publikohen pamjet, policia filmoi momentin e arrestimit të atentatorit në Shkodër
• Atentati në Shkodër/ Policia zbulon armët e përdorura nga autori gjatë atentatit