Makina del nga rruga në Lezhë, shoferja dhe pasagjerja nxirren nga zjarrfikësit

Një aksident rrugor ka ndodhur këtë të diel rreth orës 14:00, në aksin rrugor dytësor, në kryqëzimin Kallmet – Lezhë, ku automjeti me drejtuese shtetasen Z. B., 31 vjeçe, ka dalë nga rruga.

Në vendngjarje shkuan dy autoambulanca dhe forca zjarrfikëse, ku falë ndërhyrjes së shpejtë dhe profesionale të këtyre të fundit, u bë e mundur nxjerrja e dy shtetaseve që kishin mbetur të bllokuara në automjetin e rënë në kanal.

Si pasojë e aksidentit kanë mbetur të dëmtuara lehtë drejtuesja e automjetit dhe pasagjerja, shtetasja Z. B., 51 vjeçe.

Të dyja ndodhen në Spitalin Rajonal Lezhë, ku po marrin ndihmë mjekësore, jashtë rrezikut për jetën.

Grupi hetimor ndodhet në vendngjarje dhe po punon për sqarimin e rrethanave të aksidentit.

LEXONI GJITHASHTU:

• IKMT shemb 20 ndërtime pa leje në Parkun Kombëtar të Valbonës, vijon aksioni
• Incident në det/ Përplasen dy mjete turistike në Kakome, tre turistë të lënduar