Kavajë: U pushua nga puna, 48-vjeçari godet dhe kanos drejtorin e Ujësjellësit

Policia e Kavajës ka arrestuar një 48-vjeçar, pasi ka goditur me grusht dhe ka kanosur drejtorin e ndërmarrjes së Ujësjellës-Kanalizimeve në qytet.

Shtetasi me iniciale A. A., banues në Kavajë, dyshohet se pas ndërprerjes së kontratës së punës nga ky institucion, ka sulmuar fizikisht dhe ka dërguar mesazhe kërcënuese drejtorit të Ujësjellësit, shtetasit me iniciale O. D.

Veprimet e dhunshme kanë çuar në ndërhyrjen e menjëhershme të Policisë, e cila ka arrestuar autorin.

Materialet procedurale i janë referuar Prokurorisë pranë Gjykatës së Juridiksionit të Përgjithshëm Kavajë, për veprime të mëtejshme.

LEXONI GJITHASHTU:

• Bulqizë/ Vodhi gjatë natës një shumë parash në një dyqan, kapet autori 30-vjeçar
• Dëshmimtari në Hagë: Thaçi kishte marrëdhënie të ndërlikuara me komandantët e UÇK-së