Përplasi 55-vjeçaren dhe u largua nga vendngjarja, arrestohet 29-vjeçari në Vlorë

Mëngjesin e sotëm, rreth orës 16:00, në segmentin rrugor “Gjergj Kastrioti”, Vlorë, është aksidentuar një 55-vjeçare, e cila ishte duke kaluar në vendkalimin e këmbësorëve. Si pasojë, 55-vjeçarja mbeti e dëmtuar dhe aktualisht ndodhet në spital nën kujdesin e mjekëve.

Sipas raportimeve nga policia, autori i ngjarjes është larguar nga vendngjarja pasi përplasi shtetasen Z. M.

Nga veprimet hetimore dhe mbikëqyrja e kamerave të sigurisë, u bë i mundur identifikimi i automjetit, i cili çoi në arrestimin e tij.

I arrestuari është shtetasi Xh. R., 29 vjeç, banues në Vlorë, i cili tentoi t’i shmangej përgjegjësisë duke fshehur edhe automjetin, i cili u gjet dhe u sekuestrua në cilësinë e provës materiale.

Materialet iu referuan Prokurorisë, për veprat penale “Shkelja e rregullave të qarkullimit rrugor” dhe “Largimi nga vendi i aksidentit”.

LEXONI GJITHASHTU:

• Finalizohet operacioni “Catch 2”, arrestohen dy persona për trafik emigrantësh
• Operacioni “Kombinimi”/ Sekuestrohen drogë, tritol dhe armë! Arrestohen dy persona