PS bëhet gati për fushatën, Rama mbledh strukturat e Tiranës

Ndërsa Erion Veliaj i kërkon Gjykatës Kushtetuese të pezullojë dekretin e Presidentit për zgjedhjet në Bashkinë e Tiranës, Partia Socialiste vijon organizimin e strukturave në mbështetje të kandidates Ogerta Manastirliu.

Burime për Euronews Albania bëjnë kryeministri Rama nesër do të mbledhë në orën 16.30 strukturat politike të Tiranës në kuadër të punës për zgjedhjet e 9 nëntorit.

“Ju njoftojmë se kryetari i Partisë Socialiste Edi Rama, mbledh në takim Strukturat Politike të Tiranës; nesër, e premte, date 3 tetor 2025 ora 16.30. Vendi: Hotel Tirana International (Salla Akrenia- kati 1). Ju lutem siguroni pjesëmarrjen”, ishte mesazhi qe ka shkuar në struktura për takimin e Ramës.

Një ditë më parë presidenti Bajram Begaj dekretoi datën 9 nëntor për zgjedhjet e pjesshem në 6 bashki, përfshirë Tiranë.

Ditën e sotme avokatët e Erion Veliajt ankimuan në Gjykatën Kushtetuese dekretin e presidentit për zgjedhjet në Bashkinë Tiranë.

“Dekreti presidencial është contra Constitutionem (antikushtetues). Mandati i Kryetarit të Bashkisë nuk është mandat personal, por shprehje e sovranitetit të qytetarëve të Tiranës”, thuhej mes të tjerash në ankimin e mbrojtjes së ish-kryebashkiakut.

LEXONI GJITHASHTU:

• Avokatët e Erion Veliajt ankimojnë në Kushtetuese dekretin e presidentit Begaj
• Gjykata e Lartë refuzon rekursin e dytë, Erion Veliaj mbetet në burg