Dosja e ish-kryebashkiakut, bashkëshortja e Erion Veliajt paraqitet në SPAK

Ajola Xoxa, bashkëshortja e ish-kryetarit të Bashkisë së Tiranës, Erion Veliaj, është paraqitur këtë të premte në SPAK.

Dosja e ish-kryebashkiakut Veliaj ku gjithaashtu ajo është e pandehur ka kaluar në fazën e seancës paraprake, ku do të vendoset nëse ajo do të dërgohet për gjykim ose jo.

Kujtojmë se ditën e djeshme, Gjykata e Lartë e Shqipërisë nuk pranoi ankimin e ish-kryetarit të Bashkisë së Tiranës, Erion Veliaj, për lirimin nga paraburgimi.

Erion Veliaj u arrestua më 10 shkurt 2025, i dyshuar nga autoritetet për korrupsion dhe pastrim parash, dhe aktualisht ndodhet në paraburgim.

Ndërkohë, ndaj bashkëshortes së Veliajt, Ajola Xoxa, është vendosur masa “ndalim i daljes jashtë shtetit” dhe “detyrim për t’u paraqitur në policinë gjyqësore”, pasi dyshohet për disa vepra penale.

Më 23 shtator, Këshilli Bashkiak i Tiranës miratoi projektvendimin “Për propozimin për shkarkimin e kryetarit të Bashkisë së Tiranës, Erion Veliaj”, me argumentin se “kryeqyteti nuk ka kryetarin e tij të zgjedhur për shkak të procesit penal ndaj tij”.

Më 25 shtator, Këshilli i Ministrave i Shqipërisë vendosi shkarkimin e Veliajt nga detyra e kryetarit të Bashkisë së Tiranës. Më 29 shtator, avokatët e tij konfirmuan se vendimi për shkarkimin është ankimuar në Gjykatën Kushtetuese.

LEXONI GJITHASHTU:

• Ajola Xoxa paraqitet në SPAK për masën e sigurisë “detyrim paraqitjeje”
• Ajola Xoxa paraqitet në SPAK, i komunikohet akuza zyrtare