Rama: Inventari për humbjet nga zjarri është gati, do nisin dëmshpërblimet

Kryeministri Edi Rama ka prezantuar këtë të shtunë një kapitull të ri për Mbrojtjen Civile në vend, gjatë një aktiviteti të zhvilluar në Farkë, në prani të ministrit të Mbrojtjes Pirro Vengu, ministres së Punëve të Brendshme Albana Koçiu dhe ministrit të Shtetit për Pushtetin Vendor Ervin Demo.

Në fjalën e tij, Rama theksoi angazhimin e qeverisë për të garantuar kompensimin e plotë të qytetarëve që kanë pësuar dëme materiale si pasojë e zjarreve të kësaj vere. Ai nënvizoi se tashmë është përfunduar inventarizimi i plotë i dëmeve dhe të gjitha familjet që kanë humbur banesat do të dëmshpërblehen në mënyrë të drejtë dhe transparente.

“Dua të nënvizoj faktin që, ashtu si e bëmë të qartë që në momentin e nxehtë të përballjes me zjarret, angazhimi ligjor dhe human për humbjet e banesave dhe materialeve do të mbahet pikë për pikë. Tani është inventari i plotë. Të gjithë ata që kanë humbur nga zjarret banesat, krerët duhet të jenë të qetë. Do shpërblehen qindarkë më qindarkë.” – deklaroi Kryeministri Rama.

LEXONI GJITHASHTU:

• Rama: Për 30 vite nuk do të ketë leje ndërtimi në ato toka që digjen
• Jo vetëm ata që identifikojnë zjarret Rama njofton: Do t’i mbjellim pyjet me dron