Mashtrimi me transfertë bankare, në pranga i riu që mori makinën pa paguar lekët

Një 28-vjeçar nga Tirana ka rënë në prangat e policisë, nën akuzën e mashtrimit në lidhje me një automjet.

Arrestimi i 28 vjeçarit K.K ka ardhur pasi dyshohet se një 37-vjeçar i ka dhënë me mirëbesim automjetin ku i është premtuar se pagesa do ti transferohej nëpërmjet llogarisë bankare.

Në njoftimin e saj policia thotë se pasi pagesa për automjetin nuk është kryer është organizuar operacioni “Transferta” ku është ndaluar shtetasi K. K., 28 vjeç, banues në Tiranë, ndërsa efektivët kanë gjetur dhe sekuestruar automjetin tip “Hyundai Tucson” të 37-vjeçarit.

Materialet procedurale iu referuan Prokurorisë së Tiranës, për veprime të mëtejshme.