Shtëpia e Bardhë kritikon çmimin Nobel: Vuri politikën mbi paqen

Shtëpia e Bardhë kritikoi vendimin e Komitetit të Çmimit Nobel për t’ia dhënë Çmimin e Paqes lideres së opozitës venezueliane, Maria Corina Machado, në vend të Presidentit të Shteteve të Bashkuara të Amerikës, Donald Trump.

Zëdhënësi i Shtëpisë së Bardhë, Stephen Cheung, tha në Platformën X se Trump do të vazhdojë të bëjë marrëveshje paqeje, t’i japë fund luftërave dhe të shpëtojë jetë, duke vënë në dukje angazhimin e tij humanitar dhe “vullnetin që lëviz malet”.

Cheung shtoi se komiteti i Nobelit “e vuri politikën mbi paqen”.

Komiteti i Nobelit ia dha çmimin Machados, duke theksuar punën e saj si një “mbrojtëse e guximshme e lirisë” në luftën kundër regjimit autoritar në Venezuelë.

Edhe pse presidenti amerikan nuk komentoi zyrtarisht vendimin e komitetit të Nobelit, ai postoi tre video në llogarinë e tij “Truth Social” në të cilat mbështetësit e tij festojnë marrëveshjen e Gazës.

Fituesja e Çmimit Nobel për Paqen të këtij viti është María Corina Machado udhëheqëse e opozitës në Venezuelë.

LEXONI GJITHASHTU:

• Politikania opozitare venezueliane fiton çmimin Nobel për Paqen për vitin 2025
• Sot ndahet Çmimi Nobel për Paqen: Kush janë kandidatët dhe sa janë shanset e Trump?