Trump: Mund të zhvendosen ndeshjet e futbollit të Kupës së Botës nga Bostoni

Presidenti i Shteteve të Bashkuara, Donald Trump, tha se mund të shtyjë ndeshjet e Kupës së Botës në futboll të vitit të ardhshëm, të planifikuara për t’u mbajtur në Boston, pasi tha se pjesë të qytetit ishin “pushtuar” nga trazirat.

“Mund t’ua heqim ndeshjet. I dua njerëzit e Bostonit dhe e di që biletat janë shitur të gjitha. Por kryetari juaj i bashkisë nuk është i mirë”, tha Trump, duke shtuar se kryetarja demokrate e bashkisë së Bostonit, Michelle Wu, është “inteligjente”, por edhe një “e majtë radikale”, raporton CNN sot.

Trump më parë ka sugjeruar se mund të shpallë disa qytete “të pasigurta” për turneun me 104 ndeshje dhe të ndryshojë planin e detajuar të pritjes së miratuar nga FIFA në vitin 2022.

Plani parashikon që ndeshjet të zhvillohen në stadiumet e NFL-së pranë Nju Jorkut, Los Anxhelosit dhe San Franciskos.

Organizatorët e Kupës së Botës nuk janë nën kontrollin e drejtpërdrejtë të Presidentit të Shteteve të Bashkuara.

Qytetet amerikane që presin lojërat, së bashku me qytetet në Meksikë dhe Kanada, kanë kontrata me FIFA-n, të cilat do të kishin pengesa të konsiderueshme logjistike dhe ligjore për të bërë ndryshimet tetë muaj para fillimit të turneut më 11 qershor.

“Është një turne i FIFA-s, nën juridiksionin e FIFA-s, FIFA merr këto vendime”, tha zëvendëspresidenti i FIFA-s, Victor Montagliani, në fillim të këtij muaji.

LEXONI GJITHASHTU:

• Trump i prerë për Hamasin: Nëse nuk çarmatoset do ta bëjmë me forcë
• Vijon operacioni i marrëveshjes, Hamasi kthen i kthen 4 trupa pengjes Izraelit