Gjirokastër: Rriten rastet e dhunës në familje, shtohen kërkesat për ndihmë juridike

Problematika sociale e dhunës në familje në Gjirokastër po regjistron shifra në rritje. Sipas policisë lokale përgjatë këtij vitit janë regjistruar 16 raste dhune në familje me 3 persona të arrestuar, 13 të proceduar në gjendje të lirë si dhe 33 kërkesa për urdhër mbrojtje.

Rritja e rasteve të dhunës në familje ka shtuar edhe kërkesat për shërbime psikologjike si dhe asistencë ligjore.

“Qendra e ndihmës juridike të Shërbimit Parësor në Gjirokastër ka trajtuar raste të dhunës në familje më së shumti kanë qenë raste të referuara nga Bashkia Gjirokastër, sektori i dhunës në familje, qytetarët të cilët kanë paraqitur kërkesa  për urdhër mbrojtje  janë asistuar nga ana jonë”, tha Klaudja Veizaj nga Qendra e Ndihmës Juridike Falas.

Fenomeni mbetet shqetësues dhe kërkon përfshirjen e faktorëve shoqërorë dhe institucioneve publike për evitimin e shkaqeve të dhunës në familje.

“Më së shumti janë raste të dhunës midis bashkëshortëve por nuk kanë munguar edhe  konfliktet e tjera familjare midis vëllezërve dhe motrave, mundësitë e ulta ekonomike për qytetarët por edhe emigracioni ka ndikuar gjithashtu”, shtoi Klaudja Veizaj.

Falë sensibilizimit po vjen në rritje numri i denocimeve në strukturat sociale dhe ligjzbatuese për ndëshkimin ligjor të shkaktarëve të dhunës në familje.

LEXONI GJITHASHTU:

• Bie numri i duhanpirësve në Shqipëri, ekspertët: Duhani shkakton kancer
• 85% e vizitorëve të huaj, rritet numri i turistëve në Korçë dhe fshatrat turistike