Ekskluzive/ Izet Mexhiti: Komunat po mbështeten me frymën e Marrëveshjes së Ohrit

Kryetari i sapozgjedhur i Komunës së Çairit, Izet Mexhiti ka dhënë një intervistë ekskluzive për “Euronews Albania” me Thimi Samarxhiun. Në intervistë, zëvendëskryeministri i Maqedonisë së Veriut theksoi se qeveria mbështet komunat si asnjëherë më parë, duke punuar në frymën e Marrëveshjes së Ohrit.

Ai bëri të ditur se janë ndarë 1 miliard euro për projekte të ndryshme për komunat në përgjithësi, ku 30 për qind e këtyre mjeteve janë dedikuar për komunat shqiptare. Mexhiti gjithashtu u shpreh se fokusi i zgjedhjeve lokale kanë qenë Tetova dhe Çairi i cili rezultati u mbyll që në raundin e parë.

Sipas tij shqiptarët nuk janë të ndarë apo të përçarë në dhjetëra parti politike. Ai theksoi se tani kanë dy parti të fuqishme të cilat sipas ti punojnë në të mirën e votuesve.

“Jemi munduar të bëjmë fushatë për komunat, AKI ka humbur kontaktin me realitetin. Për gjithçka kanë folur por jo për komunat. Kanë folur për komunat serbe, për referendum për beteje për legjitimitet. E pranuam edhe këtë sfidë.

Mendoj se kjo është kryer në zgjedhje parlamentare, fokusi është vendos në Tetovë dhe Çairi. Çairi është mbyll me raundin e parë. Në Tetovë udhëheq bindshëm Bilal Kasami dhe më këtë po mbyllen edhe zgjedhjet lokale,” u shpreh ai.