PSG, Barcelona dhe Inter shpartallojnë kundërshtarët, Napoli “shok termik” nga PSV

Nëntë duelet e së martës në Champions League kanë rezultuar spektakolare, ku në total u shënuan plot 43 gola, ndërsa në krye të klasifikimit u ngjitën kampionët në fuqi, Paris Saint-Germain.

Spektakli nisi që në orën 18:45, aty ku Barcelona, me disa mungesa, u argëtua me grekët e Olympiacos, të cilët i mposhti në shtëpi me rezultatin 6–1.

Një paraqitje e mrekullueshme e Fermín López, që realizoi dopietë, por edhe Marcus Rashford me dy gola dhe Lamine Yamal, që ktheu në gol një 11-metërsh. Për helenët realizoi El Kaabi, nga pika e bardhë e penalltisë.

Në mbrëmje, çdo sfidë ishte një histori më vete. 9 gola u realizuan vetëm në Bayer Leverkusen–Paris Saint-Germain, me francezët që shpartalluan portën kundërshtare 2–7, duke konfirmuar diferencat e mëdha me gjermanët.

Kryendeshja Arsenal–Atlético Madrid nuk rezultoi e luftuar siç pritej, pasi spanjollët, pas një pjese të parë të mbyllur pa gola, në të dytën pësuan 4 herë në 13 minuta – gjë që nuk i kishte ndodhur kurrë trajnerit Diego Simeone.

PSV ishte surpriza e mbrëmjes dhe mposhti me shifrat e thella 6–2 Napoli-n e Antonio Conte-s, ndërsa 3 pikë morën gjithashtu Inter, Manchester City, Borussia Dortmund dhe Newcastle.

Në krye të klasifikimit qëndron PSG, ndjekur nga Inter dhe Arsenal, secili me 9 pikë.

Ora 18:45

• Barcelona 6–1 Olympiacos

• Kairat Almaty 0–0 Pafos

Ora 21:00

• Arsenal 4–0 Atlético Madrid

• Bayer Leverkusen 2–7 Paris Saint-Germain (PSG)

• FC Copenhagen 2–4 Borussia Dortmund

• Newcastle United 3–0 Benfica

• PSV Eindhoven 6–2 Napoli

• Royale Union Saint-Gilloise 0–4 Inter Milan

• Villarreal 0–2 Manchester City

LEXONI GJITHASHTU:

• Juventus sfidon Realin në Champions League, Bayern kërkon konfirmimin ndaj Brugge
• Dështimi i Superligës së Evropës, propozimi i ri për reformë në Champions League