A do bashkëveprojë Kurti me deputetët serb? Peka: Ai hyri në zgjedhje i vetëm por…

Eksperti i marrëdhënieve ndërkombëtare, Avenir Peka, ka komentuar zhvillimet e fundit politike në Kosovë në emisionin “Review” me Greta Topjanën, pas dështimit të Kuvendit për të zgjedhur qeverinë e re të Republikës së Kosovës. Me 56 vota pro, 52 kundër dhe 4 abstenime, votimi nuk u prodhua shumica e nevojshme, duke lënë vendin në pasiguri institucionale.

Peka analizoi arsyet e këtij ngërçi politik, duke theksuar mungesën e një konsensusi mes partive kryesore dhe vështirësitë që mund të hasen në rast se Presidentja Vjosa Osmani mandaton dikë tjetër për krijimin e qeverisë.

“Secila prej partive kryesore u futën më kandidatin e vet për kryeministër. E dinin se ansjëra nga këto parti nuk dilte e para.

Konsensusin e kanë gjetur në kundërshtimin e krijimit të koalicionit me Kurtin, por nuk besoj qe do e gjejnë nëse Presidentja e Kosovës, Vjosa Osmani jep një mandat dikujt për të krijuar qeveri, sepse duhet të gjejnë kandidatin për kryeministër që nuk e kanë. Së dyti duhet ti mbledhin votat që nuk i kanë. Këtu Kurti nuk mund ti përfshijë serbët sepse Kurti ka ardhur në pushtet duke i luftuar ata. Kjo ka qenë karta e tij.

Në një parti që merr mbi 50% është anomali. Anomalia e 51% janë dy elementë: pakënaqesia e qyetarëve të Kosovës në 20 vjet qeverisje nga partitë e tjera dhe luajtja e kartës nacionaliste qoftë me asocacionin e komunave serbe qoftë me luftën politike”, tha Peka.

Ai solli gjithashtu në vëmendje rolin e kryeministrit në detyrë, Albin Kurti, raportet e tij me ndërkombëtarët dhe ndikimet që janë bërë në zhvillimet e brendshme dhe të jashtme politike të Kosovës.

“Tek politika e Kurtit si qeveri, 90% ka qenë raport me Serbinë, 10% ka qenë qeverisje e brendshme gjë që ka çuar në një konflikt me ndërkombëtarët.

Ajo linjë që nisi ndryshe nga partitë e tjera , është se Kurti nuk dinte të bënte mbrapa që të krijonte aletatët edhe te faktorët ndërkombëtare, të cilët sot i ka kundër”, theksoi eksperti Avenir Peka.

LEXONI GJITHASHTU:

• Kusari: Kurti nuk ka fyer liderët, e ka pasur personale me një përfaqësues të LDK
• “S’donim bashkëveprim”, deputetja e AAK analizon arsyet e ngërçit politik në Kosovë