Dorian Teliti analizon zgjedhjet e 9 nëntorit: Tirana ka 2 kandidatura

Nënkryetari i Këshillit Bashkiak të Tiranës për Partinë Demokratike, Dorian Teliti, ka analizuar zgjedhjet e pjesshme të 9 nëntorit, që do të zhvillohen në pesë bashki të vendit dhe ku do të jenë në garë gjithsej 13 kandidatë për kryetar bashkie.

Gjatë një deklarate për mediat, Teliti u ndal te gara në Tiranë duke theksuar: “Kryeministri Rama ka ndërhyrë në momentin kur kandidatura e tij po cënohej, ashtu siç e ka thënë vetë se vota për Ogerta Manastirliun është votë për mua,” – tha ai.

Sipas Telitit, kandidatura e Ogerta Manastirliut nuk është pritur mirë në kryeqytet, ndërsa nga ana tjetër, Florian Binaj përfaqëson një alternativë të pavarur që gëzon mbështetjen e forcave opozitare.

“Kandidatura e Binajt është e pavarur në formatin e saj dhe mbështetet nga opozita. Ai po zhvillon një fushatë ndryshe, jo me strukturat klasike politike, por me mbështetjen e qytetarëve dhe strukturave opozitare,” – shtoi Teliti.

Ai nënvizoi se fushata e Binajt është konceptuar ndryshe nga të tjerat dhe është mirëpritur nga qytetarët.

“Nuk ka surpriza, kjo është mirëpritur. Binaj është një figurë e pëlqyeshme. Në fushatën elektorale zyrtare, figurat do të përballen drejtpërdrejt për të parë se kush do të jetë ai që do të bëjë sfidën për debat,” – përfundoi Teliti.

LEXONI GJITHASHTU:

• Manastirliu apo Binaj?! Qafoku me shifra: Kush ndiqet më shumë në rrjetet sociale
• “Po luani rolin e magnetit, jeni në aleancë me Ramën”, Teliti debat me Markën