EMRI/ Eskstradohet nga Milano i kërkuari ndërkombëtar për pastrim parash

Këtë të enjte është finalizuar ekstradimi nga Milano në Shqipëri i shtetasit Erlind Lasku, i kërkuar ndërkombëtarisht për pastrim parash të fituara nga trafikimi i narkotikëve. Lasku është pjesë e një grupi të strukturuar kriminal në Durrës. Operacioni u realizua në kuadër të bashkëpunimit ndërkombëtar të Interpol Tiranës dhe Interpol Romës.

Interpol Tiranë njofton:

“Si rezultat i partneritetit shumë të ngushtë të specialistëve të Drejtorisë së Interpolit me ata të Interpol Romës, gjatë kësaj faze të operacionit ‘The Wanted’, u finalizua procedura e ekstradimit nga Italia, në Shqipëri, të shtetasit Erlind Lasku.”

GJKKO-ja i kishte caktuar masën “arrest në burg” në prill 2025 për veprën penale “Pastrimi i produkteve të veprës penale apo veprimtarisë kriminale”.

LEXONI GJITHASHTU:

• Vrau motrën e tij e kunatin me kallashnikov, arrestohet 55-vjeçari shqiptar në Itali
• EMRI/ Zbulohet arsenal i madh armësh e pajisjesh, arrestohet 34-vjeçari, 2 në kërkim