Relatorja e Kushtetueses lexon pretendimet e Veliajt: Presidenti u bë gjykatës

Në seancën publike të kësaj të premteje në Gjykatën Kushtetuese, relatorja Sonila Bejtja ka lexuar pretendimet e ish-kryebashkiakut të Tiranës, Erion Veliaj, i cili kundërshton vendimin për shkarkimin e tij nga posti i kryetarit të bashkisë.

“Nuk ka bërë analizë të parimit të proporcionalitetit të garantuar nga neni 17 i Kushtetutës, ndonëse kërkuesi nuk ka bërë asnjë shkelje që të kërkonte shkarkimin e menjëhershëm të tij. Si organ që ka të drejtën e shkarkimit të një kryetari bashkie, nuk duhet të miratojë vendimin e këshillit bashkiak, por duhet të verifikojë themelin e vendimmarrjes.”-lexoi në relatim gjyqtarja Bejtja.

Sipas pretendimeve të Veliajt, Presidenti i Republikës “ka marrë atributet e gjykatës” duke ndërhyrë përtej kompetencave të tij kushtetuese në këtë proces.