EMRI/ Zbulohet ambienti i improvizuar për drogë në Mukje, në pranga 42-vjeçari

Një 42-vjeçar është arrestuar nga Policia e Tiranës, pasi zbulimit të një ambient në zonën malore të fshatit Mukje, i cili ishte përshtatur për tharjen dhe përgatitjen e bimëve narkotike për shitje.

Policia njofton se gjatë operacionit “Improvizimi” u sekuestruan 516 gramë lëndë e dyshuar narkotike Cannabis Sativa ndërsa u arrestua 42-vjeçari Jetmir Muka si dhe nisi procedimi penal për moskallëzim të veprës penale për 59-vjeçarin me inicialet B. M.

Jetmir Muka dyshohet se kishte improvizuar ambientin për aktivitetin e paligjshëm, ndërsa shtetasi B. M. dyshohet se kishte dijeni për këtë veprimtari dhe nuk e kishte kallëzuar.

Gjatë kontrollit, u sekuestruan 516 gramë lëndë e dyshuar narkotike Cannabis Sativa. Materialet procedurale iu referuan Prokurorisë së Tiranës për veprime të mëtejshme.

• Kapet në flagrancë me makinën që kishte vjedhur, arrestohet 35-vjeçari në Tiranë
• Dyshohet se dhunuan një qytetar, ndalohen vëllai i deputetit dhe dy persona të tjerë