Në zbatim të masës së sigurisë “detyrim paraqitje”, Berisha mbërrin në SPAK

Kryetari i Partisë Demokratike, Sali Berisha është paraqitur këtë të hënë në ambientet e SPAK, në zbatim të masës së sigurisë “detyrim paraqitje”. Berisha është paraqitur i shoqëruar nga avokati i tij, Genc Gjokutaj. Kryedemokrati ka hyrë menjëherë në ambientet e SPAK dhe nuk ka folur para mediave.

Ai akuzohet për korrupsion dhe shpërdorim detyre, në lidhje me aferën e privatizimit të ish-kompleksit “Partizani”. Hetimet ndaj tij janë pjesë e një dosjeje të hapur prej muajsh nga Prokuroria e Posaçme Kundër Korrupsionit.

Berisha e ka mohuar vazhdimisht çdo akuzë, duke i cilësuar ato politike. Avokatët e tij kërkojnë heqjen e masës së sigurisë, duke argumentuar mungesën e provave.

LEXONI GJITHASHTU:

• Humbja e komunave, Ali Ahmeti: Zgjedhje të manipuluara, koha të rinovohemi
• Përfitoi mbi 33 mijë euro përmes mashtrimit, ekstradohet rumunja nga Gjermania