Përplaset për vdekje këmbësori 62-vjeçar në Prrenjas, ndalohet drejtuesi i mjetit

Një aksident tragjik është regjistruar mbrëmjen e sotme në aksin rrugor Urakë–Katjel, në vendin e quajtur Kotodesh, në Prrenjas.

Sipas burimeve zyrtare, një automjet tip “Mercedes-Benz” ka përplasur këmbësorin Qani Malo, 62 vjeç, banues në Kotodesh, i cili ka ndërruar jetë në vendngjarje si pasojë e plagëve të marra.

Drejtuesi i mjetit, shtetasi R. A., 27 vjeç, është ndaluar nga policia për veprime të mëtejshme procedurale.

Në vendngjarje kanë mbërritur forcat e Policisë Rrugore të Prrenjasit, të cilat po kryejnë veprimet hetimore për të zbardhur rrethanat e aksidentit.

LEXONI GJITHASHTU:

• Veliaj fitoi në Kushtetuese, Koka: Vendimi i rëndon më shumë pozitën
• Rrëmbimi i një serbi në Leposaviq, Sveçla: Serbia shkeli kufijtë shtetërorë