Raporti i BE: Shqipëria në rrugë të mbarë drejt përfundimit të negociatave

Bashkimi Evropian ka publikuar raportin e progresit për Shqipërinë, duke vlerësuar përparimet e vendit në procesin e integrimit europian.

Sipas raportit, Shqipëria ka bërë hapa të rëndësishëm, me katër kapituj të hapur gjatë vitit të kaluar dhe përgatitjet për hapjen e kapitullit të fundit këtë vit janë në fazë të avancuar.

Progresi më i dukshëm është arritur në çështjet themelore, veçanërisht në reformën në drejtësi dhe luftën kundër krimit të organizuar dhe korrupsionit.

Megjithatë, raporti nënvizon se për të arritur mbylljen e kapitujve të negociatave, janë të nevojshme përpjekje të vazhdueshme për zbatimin e reformave sektoriale dhe ruajtjen e një dialogu politik gjithëpërfshirës.

“Arritja e synimit të Shqipërisë për përfundimin e negociatave deri në vitin 2027 varet nga ruajtja e ritmit të reformave dhe nga një dialog gjithëpërfshirës politik. Nëse ky ritëm reformash ruhet, Shqipëria është në rrugë të mbarë për ta arritur këtë objektiv ambicioz,” thekson raporti.

LEXONI GJITHASHTU:

• Progres raporti i BE: Shqipëria përparim të kufizuar në lirinë e medias
• Progres raporti për Shqipërinë, BE: SPAK rezultate në hetimin e zyrtarëve të lartë