Plagosja e 24-vjeçarit në Bathore, arrestohet autori (EMRI)

Autori i plagosjes së 24-vjeçarit, Elvis Visha është vënë pranga. I arrestuari është identifikuar si Doaldo Bajrami. Plagosja u regjistruar pasditen e së mërkurës në rrugën “Ali Këlçyra” pas një konflikti.

24-vjeçari, Bajrami ka plagosur me armë në krah bashkëmoshatarin. Arma e përdorur nuk është gjetur ende ndërsa policia po vijon punën për gjetjen e saj. I riu i plagosur ndodhet në spital jashtë rrezikut për jetën.

“Tiranë. Zbardhet dinamika e ngjarjes së ndodhur dje, në Bathore, ku mbeti i plagosur me armë zjarri një 24-vjeçar. Identifikohet, kapet dhe vihen në pranga autori i dyshuar i ngjarjes. Vijon puna për gjetjen e armës së zjarrit me të cilën u plagos 24-vjeçari, i cili është jashtë rrezikut për jetën.

Pasditen e djeshme, pas marrjes së njoftimit se në spital ishte paraqitur për të marrë mjekim, një shtetas që ishte plagosur me armë zjarri, specialistët e Sektorit për Krimet e Rënda të DVP Tiranë në bashkëpunim me Komisariatin e Policisë Nr. 5, organizuan menjëherë punën, me qëllim zbardhjen e rrethanave të rastit dhe identifikimin e autorit. Si rezultat i veprimeve profesionale, u identifikua, u kap dhe u vu në pranga autori i dyshuar, shtetasi:

D. B., 24 vjeç, për veprat penale “Vrasja me dashje”, mbetur në tentativë dhe “Mbajtja pa leje dhe prodhimi i armëve, armëve shpërthyese dhe municionit”. Nga veprimet e para hetimore dyshohet se dje, në rrugën “Ali Këlçyra”, shtetasi D. B., gjatë një konflikti për motive të dobëta, me shtetasin E. V., 24 vjeç, e ka plagosur atë, në krah, me armë zjarri.   Shtetasi E. V. ndodhet në spital, në kujdesin e mjekëve, jashtë rrezikut për jetën. Materialet procedurale iu referuan Prokurorisë së Tiranës, për veprime të mëtejshme”, njofton policia.

LEXONI GJITHASHTU:

• Tiranë/ Plagoset 30-vjeçari në Bathore
• Shfrytëzonte dy kineze për prostitucion, arrestohet 47-vjeçarja në Tiranë