I dënuar nga GJKKO për pjesëmarrje në grup kriminal, arrestohet 28-vjeçari në Kurbin

Policia e Lezhës ka arrestuar një person të dënuar nga GJKKO, me 5 vjet e 4 muaj burgim, si pjesëtar i një grupi kriminal që kultivonte bimë narkotike.

Në kuadër të operacionit të koduar “Kurbini” u vu në pranga shtetasi Hashim Lama, 28 vjeç, banues në Milot, Kurbin.

Ky shtetas ishte shpallur në kërkim, pasi Gjykata e Shkallës së Parë për Korrupsionin dhe Krimin e Organizuar e ka dënuar me 5 vjet e 4 muaj burgim, për veprat penale “Grupi i strukturuar kriminal” dhe “Kultivimi i bimëve narkotike”, kryer në formën e grupit të strukturuar kriminal.

Materialet procedurale iu referuan SPAK-ut, për veprime të mëtejshme.