Silvinjo shpall listën për ndeshjet ndaj Andorrës dhe Anglisë, mungon Muçi

Trajneri Silvinjo ka publikuar listën e lojtarëve të grumbulluar për dy ndeshjet e fundit kualifikuese të Kupës së Botës 2026 ndaj Andorrës dhe Anglisë.

Tekniku kuqezi ka përzgjedhur 25 futbollistë ndërsa bie në sy mungesa e Ernest Muçit, i cili aktivizohet me Trabzonsporin në Turqi.

Po ashtu edhe Marash Kumbulla mungon për shkak të një dëmtimi që e ka mbajtur jashtë prej javësh te Mallorca si dhe Nazmi Gripshi i cili u ftua në tetor.

Lista e plotë:

Portierë: Thomas Strakosha, Mario Dajsinani, Simon Simoni

Mbrojtës: Elseid Hysaj, Ivan Balliu, Mario Mitaj, Naser Aliji, Ardian Ismajli, Berat Gjimshiti, Arlind Ajeti, Klisman Cake

Mesfushorë: Ylber Ramadani, Juljan Shehu, Kristjan Asllani, Medon Berisha, Qazim Laçi, Adrion Pajaziti, Nedim Bajrami, Arbër Hoxha, Jasir Asani

Sulmues: Armando Broja, Myrto Uzuni, Rey Manaj, Mirlind Daku, Indrit Tuci

Grumbullimi i Kombëtares nis të hënën, më 10 nëntor, në Barcelonë, ku kuqezinjtë do të përgatiten për ndeshjen ndaj Andorrës, e cila do të luhet më 13 nëntor në stadiumin “Estadi FAF Encamp”, në orën 20:45.

Sfida e fundit e kuqezinjve në këto kualifikuese do të zhvillohet më 16 nëntor, në stadiumin “Air Albania”, ndaj Anglisë, në orën 18:00.

LEXONI GJITHASHTU:

• Tuchel publikon listën, Anglia do të ketë Bellinghamin në Tiranë
• Sylvinho justifikon zgjedhjet: Nedim Bajrami ka shënuar 7 gola, kemi besim te ai
• Ndeshjet me Andorrën dhe Anglinë, trajneri Silvinjo publikon të premten listën
• Del formacioni për Jordaninë, Silvinjo ndryshon 7 lojtarë nga ndeshja me Serbinë