Kundërshtoi me dhunë policin, në pranga 29-vjeçari në Tiranë, 3 të tjerë në kërkim

Është arrestuar këtë të enjten nga policia e Tiranës shtetasi D. D., 29 vjeç pasi ka kundërshtuar me dhunë, punonjësin e policisë, gjatë kryerjes së veprimeve procedurale në lidhje me një masë administrative.

Ndërkohë, ka nisur procedimi në gjendje të lirë për shtetasit L. Xh. dhe D. F., si dhe janë shpallur në kërkim shtetasit A. Sh., Sh. M. dhe F. D., pasi këta pesë shtetas kanë penguar punonjësin e policisë për t’i vendosur masën administartive shtetasit D.D.

“Specialistët për Hetimin e Krimeve të Komisariatit të Policisë Nr. 2, arrestuan shtetasin D. D., 29 vjeç, referuan materialet në Prokurori, ku nisi procedimi në gjendje të lirë për shtetasit L. Xh. dhe D. F., si dhe shpallën në kërkim shtetasit A. Sh., Sh. M. dhe F. D., pasi i arrestuari ka kundërshtuar me dhunë, punonjësin e Policisë, gjatë kryerjes së veprimeve procedurale në lidhje me një masë administrative, ndërsa 5 shtetasit e tjerë kanë penguar punonjësin, gjatë këtyre veprimeve. Punohet për kapjen e 3 shtetasve të shpallur në kërkim për këtë rast”,- thuhet në njoftimin e policisë.

Ndërkohë, materialet procedurale iu referuan Prokurorisë së Tiranës, për veprime të mëtejshme.

LEXONI GJITHASHTU:

• Vodhi një kioskë dhe 12 milionë lekë në një banesë, arrestohet 37-vjeçari në Tiranë
• U merrte lekë të njohurve me pretendimin se ishte sëmurë, arrestohet 48-vjeçari