Punësimi i Shaljanit në AMP/ Lirohen dy policët, gjykata: Arrestimi i paligjshëm

Gjykata Penale e Tiranës e cilësoi si të paligjshëm arrestimin e dy efektivëve të Komisariatit Nr. 3 në Tiranë, Bruno Cara dhe Arshim Zajmi, dhe nuk ka caktuar masë sigurimi për ta.

Prokuroria kishte kërkuar masat e sigurimit detyrim paraqitje dhe ndalim për të dalë jashtë vendit, deri në sqarimin e plotë të rrethanave të hetimit.

Dy efektivët u proceduan nga Agjencia e Mbikëqyrjes Policore (AMP), pasi u konstatua se kishin dhënë vërtetimin që të lejonte hyrjen në punë të Muçi Shaljanit.

Kujtojmë se Muçi Shaljani mbeti i plagosur në atentatin e Rinasit, kur po ktheheshin në Tiranë së bashku me Gilamndo Danin, dhe u gjendën nën breshërinë e armëve në një pritë të organizuar.

Gilmando Dani humbi jetën në vendin e ngjarjes, ndërsa Muçi Shaljani vdiq këtë të diel në spital nga plagët e marra.

LEXONI GJITHASHTU:

• U plagos gjatë atentatit në Rinas, ndërron jetë në spital Mustafa Sheqeri
• EMRAT/ Ndalohen dy policë, punësimi i Muçi Shaljanit në AMP në kundërshtim me ligjin