Shkodër/ 42-vjeçari përfundon në spital pas konfliktit, policia: U përdor armë…

Nga njoftimi zyrtar i policisë bëhet me dije se rreth orës 19:30, në Urgjencën e Spitalit Rajonal Shkodër është paraqitur një 42-vjeçar nga Berica, i identifikuar si Edison Tirana i cili kishte dëmtime në kokë dhe trup, të dyshuara të shkaktuara me sende të forta.

Sipas të dhënave paraprake, 42-vjeçari është përfshirë në një konflikt për motive të dobëta në hyrje të qytetit të Koplikut, ku është goditur nga disa persona. Gjatë përplasjes, autorët dyshohet se kanë qëlluar edhe me armë zjarri.

Mësohet gjithashtu se personat e kanë goditur mjetin fillimisht për ta ndaluar 42-vjeçarin dhe më pas e kanë ndjekur, derisa 42-vjeçari ka humbur kontrollin e automjetit, duke shkaktuar një aksident pranë një karburanti. Pas aksidentit, 42-vjeçari ka dalë nga makina dhe është goditur me sende të forta nga autorët.

Më pas, Edison Tirana ka braktisur mjetin dhe është larguar vetë drejt spitalit për të kërkuar ndihmë mjekësore.

Grupi hetimor po punon për sqarimin e plotë të rrethanave të ngjarjes.

LEXONI GJITHASHTU:

• Të shtënat në Shkodër, detajet e para: Shkak dyshohet një konflikt banal në doganë
• Të shtëna me armë zjarri në hyrje të Koplikut, qëllohet drejt një automjeti