Karamuço zbulon pse Jeton Lami hesht për Ervis Martinajn: Ja çfarë u tha hetuesve

Eksperti i kriminalistikës, Ervin Karamuço, ka folur mbrëmjen e kësaj të marte në Euronews Albania, në emisionin Now me moderatoren Erla Mëhilli, lidhur me Jeton Lamin, ish-policin që ishte personi i fundit që takoi të zhdukurin Ervis Martinaj. Karamuço tha se ai është i vetmi që e di fatin e Martinajt.

“Është provuar që Jeton Lami nuk bashkëpunon me institucionet e drejtësisë. Ai ka kyçur gojën, duke iu referuar edhe asaj që ka thënë gjatë marrjes në pyetje: ka frikë për jetën e tij dhe të familjarëve. A e implikon veten po të flasë? Po, por ai e di shumë mirë fundin e Vis Martinajt. Organet e drejtësisë duhet të deklarojnë se ky person duhet të flasë. Në atë kohë ai nuk foli për emra konkretë, por foli për një listë të gjatë policësh që merrnin para nga Vis Martinaj, dhe ajo listë është në SPAK,” – tha Karamuço.

LEXONI GJITHASHTU:

• Detaje nga SKY ECC, Karamuço: Ka disa përgjime që prokurorët i mbajnë në sirtar
• Tirana në alarm, Karamuço zbulon se kush po e ‘përmbyt’ Shqipërinë me armë…