Siguronte lëndë narkotike me qëllim shitjen, arrestohet 26-vjeçari në Elbasan

Është arrestuar këtë të mërkurë një shtetas pasi dyshohet se siguronte lëndëve narkotike me qëllim shitjen në qytetin e Elbasanit.

Sipas raportimeve, është vënë në pranga shtetasi M. H., 26 vjeç, banues në Elbasan.

Gjatë kontrollit në automjetin e tij u gjetën sasi të lëndëve të dyshuara narkotike kokainë dhe kanabis, të cilat u sekuestruan si provë materiale. Nga hetimet e kryera dyshohet se ky shtetas, pasi siguronte lëndën narkotike, e ndante në doza dhe më pas i shiste në qytetin e Elbasanit.

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.

LEXONI GJITHASHTU:

• EMRI/ Ekstradohet nga Italia i kërkuari ndërkombëtar për kultivimin e narkotikëve
• Kultivonte bimë narkotike, arrestohet 22-vjeçari në Bajzë, babai shpallet në kërkim