EMRI/ Ekstradohet nga Italia i kërkuari ndërkombëtar për kultivimin e narkotikëve

Këtë të premte është finalizuar ekstadimi nga Italia në Shqipëri i shtetasit Ermond Goga, i kërkuar ndërkombëtarisht për kultivimin e bimëve narkotike.

Sipas raportimeve, 33-vjeçari i lindur në Krujë, është dënuar nga Gjykata e Rrethit Gjyqësor Krujë, në vitin 2023, me 4 vjet burgim, për veprën penale “Kultivimi i bimëve narkotike”. Nga dënimi, 33-vjeçarit i ka mbetur për të vuajtur rreth 1 vit burgim.

Ndërkohë, në vitin 2021, ky shtetas në rolin e organizatorit, ka bashkëpunuar me 3 shtetas të tjerë, për të përgatitur një sipërfaqe toke, pronë publike, në fshatin Krastë, Krujë, për kultivim të bimëve narkotike. Si rezultat i ndërhyrjes së Policisë, tentativa për këtë rast kultivimi u parandalua që në fazë fillestare.

Më tej, gjatë kontrolleve në banesat e shtetasve të implikuar në këtë rast, Policia gjeti 240 fidanë Cannabisi, 1 armë zjarri me municion dhe mjete që i shërbenin kultivimit të bimëve narkotike.

LEXONI GJITHASHTU:

• Në kërkim për kultivim droge dhe vjedhje, arrestohen dy persona në Shkodër
• Tirana kap të kërkuarin në Britani, pjesë e grupit që trafikonte drogë në Berat