Kreu i Emergjencave Civile në urën e Mifolit, Çako: Janë marrë të gjitha masat

Kreu i Emergjencave Civile, Haki Çako, ka inspektuar këtë të mërkurë situatën në urën e Mifolit, aty ku vëmendja mbetet e përqendruar për shkak të reshjeve të ditëve të fundit.

Çako tha se të gjitha masat janë marrë dhe se në këtë fazë lumi Vjosë paraqitet plotësisht nën kontroll.

Sipas tij, gjatë orëve të pasdites priten reshje me intensitet të lartë përgjatë zonës bregdetare, por këto nuk pritet të kenë asnjë impakt në prurjet e Vjosës. Ai theksoi se strukturat e Emergjencave Civile dhe autoritetet vendore janë në terren dhe në gatishmëri për çdo situatë të mundshme.

“Kontrolli në urën e Mifolit është konsideruar një pikë kyçe për monitorimin e lumit, ndërsa qytetarët janë këshilluar të ndjekin njoftimet zyrtare dhe të shmangin lëvizjet e panevojshme pranë shtratit të lumit”, është shprehur Çako.

LEXONI GJITHASHTU:

• Moti i keq, dhjetëra fshatra në qarkun e Elbasanit pa energji elektrike
• Situatë e rënduar nga rreshjet në Delvinë, 3 shtëpi të përmbytura